1975
Ai 8 de jená dl 1975, do avëi lauré n valgügn agn da munter, â Richard Costabiei tut la dezijiun da mëte sö na süa dita da artejan. La pröma sënta ê te na majun de n paur de Merscia a Corvara. Bele tl pröm canch’al â metü man ti dê Richard tröp pëis ala cualité dl laur, al bun sorvisc y ai materiai. Ai 7 de jügn dl 1975 âl tut sö le pröm laurant. Man man che le tëmp passâ chersciô süa scuadra tres deplü.
Süa fomena, Maria Costabiei, le sostignî, le daidâ t’ofize y ti fajô da marëna ai lauranti, la familia s’ingrandî bel plan. Le clima ê propi da sté saurí y olache an se stá saurí vëgnel lauré bun y acontenté i cliënc.
1978
Tl 1978 â Richard tut la dezijiun da cumpré n tablé dlungia la sënta, da adoré sciöche magazin implü.
1986
Tl 1986 ê le tablé gnü trasformé te n magazin nü de 250 m². Tl 1989 â la dita cumpré le pröm computer.
2000
Tl 2000 ê la dita „Costabiei Richard“ deventada la „Costabiei S.r.l.“.
2009
Tl 2009 á la dita sposté süa sënta tl raiun artejanal da Corvara.
2009
Avisa en chël ann é la familia y la dita Costabiei gnüda tocada da na burta tragedia: Othmar Costabiei, le patrun jonn dla dita, é mort fora de n sarëgn cun 38 agn.
Incö
Ince sce la dita s’á dassënn svilupé, é so spirit resté chël da n iade: „respet por le cliënt y amur por chël ch’an fej“, chël ó dí profescionalité, desponibilité, sorvisc y partnership cun le cliënt „respet por l’ambiënt“ „cualité al dër prisc“