background
 
La storia dla firma Costabiei

Default collapsible panel example

Ai 8 de jenà dl 1975, do da n pêr de agn d’esperiënza tl setur idraulich, tol Richard Costabiei la dezijiun de mëte sö na süa firma da artejan.
La pröma sënta àl te na majun de n paur da Merscia a Corvara.


Bele da canche Richard à metü man de laurè ti àl dagnora dè na gran importanza ala cualité dl laûr, al sorvisc y ai materiai.
Ai 7 de jügn dl medem ann tôlel sö le pröm laurant. Man man che le tëmp passa crësc süa scuadra tres deplü.
La signura Maria Costabiei sostëgn so om, ara le dëida te ofize y ti dà da mangé ai colaboradus, la familia s’ingrandësc.


Le tlima é propi da stè saurì y olache an s’un sta saurì vëgnel laurè bun ince a bëgn di tliënc.
Dl 1978 tôlel la dezijiun de se cumprè n tablé dlungia la sënta, da d’adorè sciöche magazinn implü.


Dl 1986 vëgn le tablé trasformè te n magazinn nü de 250 m2.


Dl 1989 cumpra la firma le pröm computer.
Dl 2000 devënta la firma “Costabiei Richard” la “Costabiei Srl”.
Dl 2009 se trasferësc la firma tla sënta nöia tl raiun artejanal a Corvara.


Ince sce la firma s’à dassënn svilupé é so spirit restè chël da n iade:
  • "respet por le tliënt y amur por chël che an fej" che ô dì profescionalité, desponibilité, sorvisc y partnership cun le tliënt
  • "respet por l'ambiënt"
  • "cualité al dër prisc"